ОСНОВИ НА C++ ПРОГРАМСКИ ЈАЗИК СО ЗАДАЧИ, АЛГОРИТМИ И РЕШЕНИЈА
1200 ден
C++ програмскиот јазик е креиран од данскиот компјутерски научник Бјарне Страуструп во 1985 година, како продолжение и објектно ориентираната надградба на програмскиот јазик C. Зазема значајна позиција меѓу програмските јазици во светот и се смета за еден од највлијателните и најкористените јазици. Иако точните рангирања можат да варираат во зависност од критериумите, како популарноста кај корисниците, употребата во индустријата, барањата на пазарот на работната сила, постојаното високо рангирање на C++ се должи на неколку негови особини:
Стандардизиран е од Интернационалната организација за стандардизација ISO, која објавува официјални јазични стандарди, и од повеќе значајни компании кои обезбедуваат компајлери за него, како Microsoft Visual C++ (MSVC), Intel C++ Compiler (ICC), Embarcadero, Oracle, IBM, Free software foundation и др. Генералната предност на јазиците за кои е потребно преведување е балансот помеѓу нивните перформанси, преносливост, сигурност и контрола при извршувањето.
C++ е познат по високите перформанси и ефикасност, што го прави претпочитаниот избор за апликации кои бараат големи ресурси какви што се развојот на интерактивните видеоигри, 3D рендерирањето, системското програмирање и апликациите со висока фреквенција на барањата во реално време.
Книгата „Основи на програмскиот јазик C++ со задачи, алгоритми и решенија“ на авторот проф. д-р Орце Симов ги опфаќа основите на програмскиот јазик C++ на неговото структурно процедурално ниво.
Низ воведот и четиринаесетте поглавја систематски се претставени концептите на програмскиот јазик, потребни за изработување различни програми. Во петнаесеттото – последното поглавје, со наслов „Задачи, алгоритми и решенија“ се дефинирани триесет и две решени и детално објаснети програмски задачи во C++. Некои од задачите се решени на два различни начини со имплементација на различни алгоритми кои ја илустрираат комплексноста на алгоритамот и брзината на извршувањето.
Тематските целини во секое поглавје се прикажани низ додатните шеесетина примери со кои практично се обработени концептите од соодветното поглавје. За да се користи книгата, не се потребни предзнаења од областа на програмирањето. Книгата може да послужи и за илустрација на алгоритамско решавање проблеми од областа на теоријата на броевите, техниките на сортирање и манипулирање со низи на броеви или знаци.
